Decleraziun davart la protecziun da datas

Prisca Derungs
Veia Granda 26
CH-7440 Andeer

Telefon: +41 (0)78 860 02 40
E-mail: prisca.derung@bluewin.ch
Website: www.rätoromanische-übersetzungen.ch

Decleraziun davart la protecziun da datas generala
Tras il diever da questa website declerais Vus d’esser d’accord cun la relevaziun, l’elavuraziun ed il diever da datas. Datas sco per exempel paginas consultadas resp. nums da la datoteca, da la data e da las uras consultads vegnan memorisads per motivs statistics sin il server, senza che questas datas sa refereschian immediatamain a Vossa persuna.

Decleraziun davart la protecziun da datas per la codaziun SSL
Questa website dovra per motivs da segirtad e per la protecziun dal transfer da cuntegns confidenzials ina codaziun SSL. Ina connexiun codada mussa ils bustabs inizials «https://» en la lingia d’adressa dal navigatur e betg «http://». La codaziun enconusch’ins era vi dal simbol da marschlos en la lingia dal navigatur.

La codaziun SSL pussibilitescha da render nunlegiblas per terzas persunas las datas che Vus ma tramettais.

Decleraziun davart la protecziun da datas per Google Analytics
Questa website dovra Google Analytics, in servetsch d’analisa da web da la Google Inc. Google Analytics utilisescha cookies, pitschnas datotecas da text che pussibiliteschan da memorisar sin l’apparat final da l’utilisader infurmaziuns specificas che sa refereschan a l’utilisader. Cun l’agid da questas indicaziuns po Google exequir in’analisa dal diever da mias purschidas da web. Sche l’anonimisaziun è activa, vegnan las adressas IP entaifer ils stadis commembers da l’Uniun europeica u en auters stadis contrahents da la cunvegna davart il Spazi economic europeic scursanidas da Google. Per quest motiv na pon ins betg eruir Vossa identitad. Mo en cas excepziunals vegn l’entira adressa IP transferida ad in server da Google en ils Stadis Unids e scursanida là. Google resguarda las ordinaziuns da protecziun da datas da la cunvegna «Privacy Shield» ed è registrada tar il program «Privacy Shield» dal ministeri da commerzi american ed utilisescha las infurmaziuns rimnadas per evaluar il diever da mia website, per scriver surlonder rapports per mai e per reglar auters servetschs per mai. Dapli chattais Vus sut https://support.google.com/analytics/answer/1008015?hl=de&ref_topic=3544906.

Decleraziun davart la protecziun da datas per il formular da contact
Tar dumondas via formular da contact vegnan Vossas indicaziuns memorisadas per l’elavuraziun da la dumonda. Senza Vossa permissiun na vegnan las datas betg dadas vinavant.